شاعر غزل
ياحلوة فهميني
حاجي بقى
بالخيانة تتهميني
أنا متل هالنحلة
زهرة اللي بشوفها
بشمها
وأزهار كتير
ع شمالي ويميني
الزهرة الجميلة بشمها
بلملم عسل مدلوق
عشفافها من تمها
وتالي هالليل
بغفى بكمها
وللشمس ب قلها
بكرى فيقيني
شاعر غزل
بسلطن
وبنتشي
بكلمات
من جرار خمر معتقة
انسكبت بكاسات
بركب خيالي بطير
بحيك حكايات
حكايات حب
بين القمر والنجمات
وبين الغزل
والميجنا واﻷوف
حالي أنا
يابعد عمري بشوف
وبعيش عمري
وبحرق سنيني
؛؛؛؛؛؛؛؛؛
أحمد ابراهيم ريشه
ليست هناك تعليقات:
إرسال تعليق