صديقة قلبي كيف الحال
لو بعدو هالشوق ميّال
نبضة حب قطعتْ أميال
وعطر البوح مستني سؤال
وانا ماشي بحرفي رحّال
و على بالي كمشة دلال!
و على بالي رشة وصال
من ضحكة غنّت موّال
صديقة قلبي كيف الحال
من صوتك شفت الجَمال
من إيدك سحر الأقوال
من وردك بسقي الخيال
همساتك سكنتْ في البال
و تتمخطر مثل الغزال
و تتمرجح جوات الروح
و بتقراني بنظرة هلال
صديقة قلبي كيف الحال
أنا بدمي شايف أجيال
بطلع من جرحي الجبال
ومن الكرمل حتى عيبال
و بحضن قصة للأبطال
من سوريا حتى الشمال
سليمان نزال
ليست هناك تعليقات:
إرسال تعليق