شو بخاف أني ودعك يا آب
وتروح ما تعاود ب صيفية
ولما يجي أيلول بعد غياب
وتغيب شمسو الكلا حنية
وصوت الهوا يزعق ورا لبواب
وتسافر فراشات وردية
والنحل يتسجل وقتها غياب
وماتشوف نفنافة ولاجوريه
حتى البراري منظرا بتهاب
لا عشب و لا زهور برية
زعلان نبعك ياغدير انساب
وماعاد في نجمات ضاويه
وياما قطفنا مشمش وعناب
ورمانه حد الارض محنيه
وطيور علت واعتلت لسحاب
لليوم نغمتها بديني
وكرم العنب حلون ع امو طاب
تعتق بخابة خرج سهريه
والزهر هالمسكين ظنو خاب
وفرفط ورق مشلوح بالمية
وهل الشتي سرسق على اللبلاب
يعزف ع أوتار الفرح فيي
وفيروز غنتلي وقمرنا غاب
وينك ياأمي اطمني عليي
بقلمي
ليست هناك تعليقات:
إرسال تعليق