دبرها وهور يابو الهوارة
صايبني مغص و حراراة
بالعادة قالوا نزلة برد
وبالمزحة بايستو ختيارة
رحنا ع المشفى تنشوف
أصل المرض مو معروف
واضح بالصورة مكشوف
مبين بحصتين بمرارة
قالوا بدها عملية
هيدي آخر خبرية
نشفت الدمعة بعينيي
من هالدنيا الغدارة
نجحت العميلة ياسلام
زادوا المصايب أفلام
قالوا الكلاوي مو تمام
مشكلة و أكبر خسارة
مرض نادر مو مألوف
صاير واحد بالألوف
رب يكملها بالمعروف
تا نمضي هالإيام جبارة
قالوا هيدا الدوا المليح
بينقي الدم وشوية تمليح
تمنينا الحل يكون الصحيح
وتزيح العلة المختارة
شرب الدوا ع الدوام
خفف براسي الأوهام
ع المخدة اقدر نام
احلم بالبلد شي زيارة
بآخر موعد للدكتور
طلب عالمشفى الحضور
صوروا الكبد ع الفور
بأصوات الرنين الهدارة
تطورنا وتقدم الطب
وطلبوا خزعة من القلب
خليك نايم على جنب
للمشرط يعرف مساره/ا
لمّا اسقبلوني الممرضات
بالرقة وأحلا البسمات
بالإبرة و دخت الدوخات
ماعاد أعرف قلبي مات
الدنيا صارت دوارة
غابت عني الأماني
من الألم عم عاني
تسلم إيد الألماني
كلها خفة و مهارة
.. غانم ع الخوري ..
ليست هناك تعليقات:
إرسال تعليق