بعد كام يوم جواز
زيارة جدتي
تتعرف على عروستي
وتتفرج ع الجهاز
أول ما شرفت جدتي
ودخلت باب شقتي
الكبر عليه دور
يا واد وطي النور
يا جده ميتوطاش
هيه لنضه جاز
دي بيوت نور
بيوت نور !!
علي كده الناس
تيجي تزور
دا كلام يا واد
علي مهلك ع السجاد
وشوفي الأنتريه
القعده مريحه عليه
يادي الكسوف
يا واد نسيت الدكه
والحرام الصوف
***************
بصي وشوفي يا جده
أيوه ده عارفاه
عربيه تومبيل
اللي بترمح ع الجسر
ده نيش
من مكانه ميمشيش
فيه شوية تحف
وأنتيكات
وكام طقم كوبيات
ولزوم المنظره
ملفوف بمرايات
يعني رفوف
وفوق منها
الحاجات
*************
بصي وشوفي التسريحه
هنا القعده مريحه
عروستي تتسشور
ع المرايه
يا واد إيه الحكايه
تتمشور تروح فين
الستات ليها البيوت
يا جده كلام مظبوط
تتسشور تسرح شعرها
والمكياج أحمر وأخضر
تسشور شعرها ماشي
عروستك ياواد قمر
أحمر وأخضر معايزاشي
عروستك ياواد قمر
أحمر وأخضر معايزاشي
*****************
الشاعر محمد علي فرغلى احمد
معلم خبير بمدرسة أبوتيج الصناعيه العسكريه بنين
ليست هناك تعليقات:
إرسال تعليق