/ فزعان من فزعان / محكي
ب مشانق الأحلام
كتران الشنق
مات الضمير الحي
يللي كان
وعم يكبر كتير الفرق
بين الأماني والأمان
وخايف
يا هالإنسان مايطق العرق
وراكض
متل فزعان من فزعان
تخبّى السلام
اليوم بعيون الزرق
ونار الفتن
عم تاكل الإنسان
لا تلج قادر يبرّد حرق
وبعدو الجمر شعلان
تصحّر زمانك يا عشق
وتصولج الحرمان
وتعبت خيولك يا شرق
وترجّلوا الفرسان
مدري الصبر
ما ضل في عندو خلق
مدري الوقت يا هالدني خرفان . - عيسى فضة
ليست هناك تعليقات:
إرسال تعليق