/ موسوعة غزل /
صوب الأبد رح مر عاجسر الأزل
وآخد معي من الشعر موسوعة غزل
وعمّرلك من حروف شعري المملكه/ي
وتبقي مليكة عرش مملكة الزجل
بكتبلك بقلبي الحقيقه مش حكي
بعتّقلك بدن الهوى خمر القُبل
وقبل العشق مايموت عاشط البكي
أو يختفي هالشوق من برج الحمل
رح ضل ناطر عا خيالك مرتكي
وحامل ع كف الروح أنديل الأمل
تا نلتقي هونيك تحت الليلكي
واقطف عن شفافك أنا شهد العسل .
- عيسى فضة -
ليست هناك تعليقات:
إرسال تعليق