--------------
بحبك أنا برقا
وجوا القلب حرقه/ا
وشعلت بالحشا نيران
ما أصعب الفرقه/ا
لا تفكري سكران
ومن الهجر تعبان
بالدني سايح بالدني هيمان
ضيعت انا العنوان
وعذاب عم ألقی
مش ممكن أنا انساكي
ما بعيش لولاكي
حلوة و يا محلاكي
حلا شفافك و عيونك الزرقا
حلفت ما عوفك
قررت رح شوفك
بخيالي مرق طيفك
مع اهلك ما أصعب العلقه/ا
اتجرأت رحت صوب الدار
خفت يشوفني حدا أو جار
تحملت من حبك الأوزار
وبذكر قلتي مر بالسرقه/ا
بالحزر فتت عديارك
لأتقصا أخبارك
قرقع صدا الخطوات
قالت أمك مين . .
أختك بدا تغطي
قالت مافي حدا هي صوت جاجة القرقه/ا
ولك بحبك أنا سكران
وعوشي بالدني هيمان
ما أصعب النسيان
و ما أحلی الحب بالسرقه/ا
.
القرقه :
الدجاجة التي ترقد علی البيض ليفقس بعد فترة ضيصان
.
بقلمي محفوض محفوض.
ليست هناك تعليقات:
إرسال تعليق