/ العيد والواقع /
هالعيد جايينا السنة جابي
ولابس قميصو بلون عنّابي
قبل الوقت مايكون ختير شاب
بإيد الأمل دقدق على بوابي
لا كهربا والغاز عنّا غاب
وعم يحرق الحرمان أعصابي
تلبّكت يا بفتح إلو هالباب
والضو مطفي وفاضيي جيابي
يا بضل جوّا إبرم الدولاب
وسجّل حضوري بدفتر غيابي
قلّي يا حلوي زهّر العنّاب
وكاس الأماني اشتاق للخابي
قلتلّو وقّفلي معك في حساب
اتركني تصفّي هالسنة حسابي
راحوا الغوالي مابقي أحباب
صاروا الصبايا كتار عذّابي
يا ريت تخزقلي سند العذاب
تجمّد رصيدي بمصرف عذابي
بتاني سنة انطرني تجيب تياب
وجيب الهدايا وفوت ع تيابي
بلكي الوطن بيكون جرحو طاب
وتشفى السعاده ويرجعوا الغيّاب
حتى بحضرتك إكتب كتابي . عيسى فضة
ليست هناك تعليقات:
إرسال تعليق