سياج القلب
،،،،،،،،،،،،،،،،،،،،،،
اذا بحر الشعر عليت مواجو
وركض عالشط قدّم احتجاجو
بيكون القلب بدّو علاج شافي
وغيرك مين لَ قلبي علاجو
تعالي صوب منّو ولا تخافي
سألي عنو وشوفي احتياجو
فْلشي حالك عليه حرام دافي
وسويه مع بعض ضلّوا تناجو
عرفتك ملهمه. وكلك رهافه
ومثل الفجر. ساعة انبلاجو
طال البعد دخلك عاد كافي
تعالي الحب تا نعمر براجو
وحتى سراجنا ما يظل طافي
طلي الوقت تا نْغيّر مزاجو
ت عمرلك من ضلوعي مضافه
وقلبي سياج ع قلبك. بيبقى
وانتي للشعر كوني سياجو
،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق