رحله مع الخيال
،،،،،،،،،،،،،،،،،،،،،،،،،،،،،،،
فليت منك لعندك جدد المشوا ر
تا تظل نار الهوا بالقلب شعلانه
من قبل منّو يجي تشرين هالغدار
يكتكت وراق العمر فجاه عن غْصاني
ونزلت مثل الندي بوّس حجار الدار
وشمشم عطور ال بقت عالباب علقانه
وعالدرج لما وصلت هبت بقلبي النار
لما بعيوني شفت دعسات ذبلانه
تخايلت انك ع جنبي وقت كنا زغار
نسهر سويه وعيون البدر نعسانه
وابعث زنودي ع خصرك طوقو زنار
من خوف انك تقولي صرت بردانه
ودقدقت حتى تجي وتشعشع الانوار
كرمال قلك شو صاير هيك نسيانه
ما سمعت غير الصدى قلي بصوت هدار
فتش عليها ب ايا بلاد خلقانه
،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق