تجربة بالمحكي أرجو أن ينال الإعجاب..
شو صعب قلب العاشق ينام وهوي مقهور
وجواتو في أسى
وألم وشجون
من ظلم الزمن..
من غدر البشر
لمسة إيد الحبيب منها محروم
بتمر قدامو صور وخيالات
بواسي حالو
وهوي من القهر موجوع
ياريت عندي
انا وانت ياريت عنا شي كوخ
نفرش حصيرة
أنا وأنت وع الخبز منعيش
وع الزيت والزيتون
ياريت ياعصفورتي
نلتقي شي يوم
..ع صدري ضمك واغمرك
وع إيدي غفيك
وسمعك غناني بصوتي
..وهدهد ع كتفك
وبإيدي امسح عن خدك هالدموع
ياريت الزمان يعود
ونرجع نلتقي
ونعيد لهالقلب دقاتو يلي انحرم منها أيام وشهور
وتورق قلوبنا وتزهر
وما عاد يبقى فيها لا أسى ولا هم ولا شجون...
..وضحى مخلوف...
ليست هناك تعليقات:
إرسال تعليق