مرِّ العمر هربان
بيسابق النسيان
وعيون بتمطر قهر
وبيزهر أحزان
طُل من المدى البعيد
عم بنتظر منك
سلام
ومروق مرقه
عالبيت اليتيم
بتلاقي في فنجان
الك بالماضي كان
وساعتك يلي بالايد
خبيتلك ياها بأمان ،
وإمي عالدرب ناطره،
بقلبها الحزن بركان...
صارت
حزينه القصيده..
ومزينه بأكفان!
طُل من المدى
بنتظرك من زمان
تمرق تاخد بإيدي ،
وتضمني بأمان
وإبكي ع صدرك
طفله صغيره
مزينه بألوان
وشيل من
القلب ضحكه
عم تطلع بخذلان
وحروف القصيده
مخنوقه مبحوحه
تعبت من الكتمان!!!!
وتحت جناحك
يا بيِّي
غمرات وبوسات
وصلهن لأختي
الغافيه جنبك
ومتوجه بأحزان
قلها الورد
كل الورد
بعدها ذبلان!!
إنتوا الحقيقة
الحلوة
ونحنا صرنا
نسيان
بقلم
فاتن فاعور كايد
#شوية_وجع
#بالمحكي
ليست هناك تعليقات:
إرسال تعليق