#قطفة_شعر
=======
قالولي :
ليه ماعم تكتب بالمحكي شعر
قولتلهن :
راس الحكي بيبدا بكلمتين من وحي الفكر
وبعدها هيك بيمشي القلم لآخرنقطة عالسطر
ممكن أكتب قصيدة عن لحظة فرح
أو عن ذكرى جميلة بتمر عالبال من فوحة عطر
و ممكن أكتب فشة خلق من فيض صبر
وأوقات بيمرق شهر ورا شهر
بنعجز نكتب كلمتين
وبيجف من قلم الفكر سائل الحبر
ما بحب أكتب عن تعاسة/ي و حزن
بكفي عشنا هالعمر كلو تعتير وقهر
بيقولوا العين مغرفة الكلام
وبدي شي حلو من سحر وغرام
متل طلة صبية/ي بضفاير شقر
وقتها بنجبر .. جبر
أسرق من شعاع الشمس خيوط مذهبة/ي
وبغزل منها حروف القصيدة/ي من تبر
وبلكي من وحي ليلة/ي جميلة/ي
ونجوم وحبيبة/ي أحلى من القمر
بملي من عصير الفكر دنان من خمر
وبسكبهن بكاس الفجر
وبكتب بنشوة/ي لذيذة/ي من سكر لحظة سعادة/ي
وبلا وعي فيها الحروف بتحكي حكي مابينحكي
عن ليلة شغف بتمرق مرة بهالعمر
و بتتسجل بساحة الوعي
توخى الحذر أحمر خطر .
#بسام_منصور
ليست هناك تعليقات:
إرسال تعليق