بقلمي هلال البنا
غوري
""--""--""--""--""--""--""
كات سنه سوده مهما تقول
عالغلبان. وشايل حمول
غوري في داهيه يا عشرين
وطول السنه مديون على طول
لآ معاش نافع ولادين شافع
.......... كان عشرين زي مبنقول
والمسكن محتاج مقتول
كل فقير زي المشلول
والأسعار شيئ مش معقول
غاز وميه وكهربا غول
والأدويه لمريض مذلول
........... زي مابقول كانت عشرين
لو فاض شيء للأكل قليل
مايكفيش طعميه وفول
بطل يابن الإيه تطبيل
أنا مش نايم ولآ مسطول
و العشرين زي مابقول
مش لاقيين لحالتنا حلول
ولآ مسؤل قال رد معقول
والمديون بيزيد في ديون
والمذلول على طول مذلو
وزي مابقول كنتي ياعشرين
كان ويانا أهل أصول
وناس أحبابنا دخلو قبور
وناس أحياء و خلف السور
وناس عايشين و بره الدور
....عام عشرين زي مابنقول
وقدسنا ويا الخنازير
الحرمين طار منها الطير
والعربان راكبين حناتير
الأمه مش لاقيه خبير
.. وزي مابقول فاتت عشرين
كات سنه سوده مهما تقول
عالغلبان وشايل حمول
حتى الآن مديون على طول
لامعاش نافع ولآ دين شافع
........ والعشرين زي مابنقول
غوري ياللا يا عشرين
يمكن تيجي 21
وتكون أحسن لو بقليل
يمكن بكره الهم يزول
ونلاقي لهمومنا بديل
والطعميه تصبح فول
يا للا غوري يا عشرين
كات سنه سوده مهما تقول
__--__--__--__--__
غوري
بقلمي هلال البنا
ليست هناك تعليقات:
إرسال تعليق