........... ......الكنايس والجوامع
بقلمي هلال البنا
دم واحد أمر واقع
والشريان مليان منافع
دم فى الشريان ياخينا
أوعى يعمل غرغرينا
والنزيف هيكون مخيف
النبض فيه لكن ضعيف
ونقل دم فى الوريد
يتعوض نزيف شديد
ولاجلي أخونا ينعدل
في الوريد وفي العضل
والعضل جامد حديد
والقديم مفهوش جديد
تسلمي إيد الطبيب
إيد طبيب مش أيي إيد
والهلال ويا الصليب
بس أوعى جرح قاطع
يحطنا في أمر واقع
فين زمان الحق ساطع
والزفير الحر طالع
والجميع فى الحق راكع
هو راح معادش راجع ؟
وساب لنا جرح المواجع
لون نزيف الدم لامع
صوت وريح الدم فاقع
ف الكنايس والجوامع
فين أنين مكن المصانع
والشباب العره صايع
تاه وضايع فى الشوارع
من حليب الجرح راضع
جرح فى الشريان وقاطع
والشريان مليان مواجع
والنزيف والجرح فينا
خوفي يعمل غرغرينا
بس يا وحده تنفعينا
نتقدم. وترفعينا
شعب واحد والأكيد
من زمان ما فيش جديد
والهلال مع الصليب
الوطن هيكون حديد
أمر واقع مش عجيب
بالمحبه والحبيب
بنبارك عيد الميلاد
في جميع كل البلاد
والتهاني للعباد
م الجوامع للكنايس
و كل ناحيه وكل واد
كلنا مع بعض حاسس
والوطن هو. المراد
ليه يكون ما بينا لايص
والوحده هي. السماد
تمنع أي شر باصص
والمعين رب العباد
كل واحد ينوي خالص
نتحد ضد الفساد
ونبقى للإخلاص مدارس
م المساجد للكنايس
بنهني عيد الميلاد
دم واحد أمر واقع
والشريان مليان منافع
......................
الكنايس والجوامع
بقلمي هلال البنا
ليست هناك تعليقات:
إرسال تعليق