(من كام سنه)
سافر حبيبي من زمان
ومقلش فين هو المكان
وقال ح.يرجع بعد يوم
مرجعش وبقالوا سنه
كان في المسا بيبعت سلام
كان نفسي يبدأ بالكلام
لأن صوته كان جميل
وله رنين زي الحمام
غاب و ف.بعاده قلبي تاه
باستني يوم أقعد معاه
ونعيد ليالي الذكريات
ولا عمري يوم أنسي لقاه
حبيبي فين بس الطريق
يوم اللقا تبقي الرفيق
واحلف ما يوم أبعد بعيد
حرمت اسيبك وقت ضيق
قاعد و مستني لقاك
والقلب داب فيك واشتراك
إرجع بقي أنا عقلي راح
صبح نجوم والله ف.سماك
يارب يقرب يوم لقاك
ولا عمري يوم أنسي هواك
وافضل كدا طول السنين
أتمني بس في يوم رضاك
(احمدالسبكي) مصر
ليست هناك تعليقات:
إرسال تعليق