نفسى اعرف ذنب مين ؟
ذنب ناس مننا
شكلهم من شكلنا
لابسين وشوش الطيبين
لكن قلوبهم حجرت
والدنيا منهم اتعكرت
كلمة في كف الحق
في الحلق كلمه لاء
شمعه أمل وبدون خجل
كانت حقيقه
في عيون بريئة وإنطفت
تاه الضمير
والإنسانية ليه من حياتنا
فجأه اختفت
كفوفنا ياما اتضرعت
يرحمنا رب العالمين
دى مستحيل أفعال بشر
لكن دى أفعال شياطين
أطفالنا عايشين بإختصار
بين برد بين ضرب ودمار
والحلم الوحيد في العيون
تتشقق الأرض بخضار
ويفرح الطفل الصغير
وينسى أيام المرار
بفرحه ترسم ضحكه نهار
برحمة تنهى كل الحصار
تغزل الشمس بخيوطها
توب الأمل
وألف إعتذار
**********
الدنيا كشف حساب
ما بين غياب وحضور
فى الآخرة كتب كتاب
بين الملاك على الحور
عادل علي
ليست هناك تعليقات:
إرسال تعليق