يسعد مساكم جميعا" بالخير والعافيه والسلامه والسلام
......بعد غيبه طويله.......
ماعاد قلبي يحتمل فرقة الخل
ولاعاد قلبي ينبض وشو جرا له
صارت سوالف تجلب الزين وتفل
والفكر حاير والصبر كيف إجا..له
مالي على فقد الحبايب ولو قل
أنصى الديار اللي تبين وصاله
النفس تشرب من مراره ولا تكل
والجسم ساقم والقوايم نحاله
نار العشق ياناس من تحت مرجل
تغلي بها النهدات تنطر وصاله
يابعد عيني من الصبر صابني مل
لرخي عنان الخيل واترك مجاله
أقصد حبيب الروح والقلب يندل
وأشوف زوله وأنتعش من خياله
يامنيتي بهاليوم نور البدر هل
يضوي دياره ينسحر من جماله
ويبان روح الروح بالليل لو سل
وأشبع عيوني وأسكر بلا ثماله
يارب تجمع شملنا والشهر هل
وترجع ليالي العز ترقص لحاله
............................
فهد كرباج ... ميلانو إيطاليا
Milano Etalia
في....9...7.....1983
ولكم كل الشكر والتقدير والإحترام
ليست هناك تعليقات:
إرسال تعليق