عاميه
دنيا ليها العجب
يا رب يا كريم
يا عالم باللي في القلوب
يا ويل اللي عاش غالب
ويا سعد من كان مغلوب
مهي دنيتنا عجيبة غريبة
وماشية بالمقلوب
دنيا وليها العجب وبتغير
الناس و القلوب
تجمعك مع الأعداء رغم العداوة
وتفرقك عن المحبوب
بدعي ربنا يصبرني عليها
تعبت ياناس منها أنا مش أيوب
دنيا وليها العجب بتعذب الناس
وبتوجع القلوب
كل يوم الاقي منها العجب
صابر عليها وراضي بالمكتوب
يا رب يا عالم بافعالنا وذنوبنا
يا ساتر العيوب
يا رب وسع علينا وارزقنا وحدك
يارب فارج الكروب
بنادي عليك يارب وعارف
انك عالم بحالي وسامع حتى
نبض القلوب
يا رب فوضت ليك الامر
لجات اليك ومن كل الذنوب
انا بتوب
يا رب تقبل دعايا واكرمني
وانصر كل واحد على امره مغلوب
اغفر ذنوبنا وارحمنا برحمتك
يا غافر الذنوب
بقلمي محمد عبدالحميد السيد
جمهورية مصر العربية
ليست هناك تعليقات:
إرسال تعليق