الناس فاكرين انا بحميكي
***
عارفه اجمل حاجة فيكي
صفاء الدنيا في عنيكي
وكأنك شمعة وبتنور
والكل بيدور حواليكي
لو كل الناس دول ينسوكي
انا عمري ولا لحظة ناسيكي
يا سلام على رقة قلبك
وجمالك خوفني عليكي
لو كنت اقدر افتح لك قلبي
واخدك جواه وأخبيكي
انا فرحة عمري اني شاركتك
وسعادتي تقولي عني شريكي
لو كل الناس دول يبيعوكي
انا هفضل طول عمري شاريكي
معرفش انا ليه لما بسافر
قلبي يرجّعني إليكي
اصل انتي في الدنيا حمايتي
والناس فاكرين انا بحميكي
***
حمدينو الشهاوي
ليست هناك تعليقات:
إرسال تعليق