بتذكرك
بتذكرك طفلة
متل ورد الليل غافي
متل وجه الصبح
ساكن ودافي
متل نسمة خجولة
هربت من صيفها الجافي
متل زخ المطر
عوجه الأرض ناعم وشافي
متل نيسان
ولون السما الصافي
وليل سهران
يناطر قمر غافي
و نجمة حيرانة
متلا بالحلا مافي
متل شمس الغروب
بخجل ترمي التحية
بكرى منلتقي
حاجتنا اليوم...كافي
متل غيمة عطر
رسمت طريقا على كتافي
متل كلمة غزل
رقصت وضحكت على شفافي
متل كمشة حبق
متل باقة فرح
بتذكرك طفلة
يا ريتك تضلي يا ملاكي
....نسرين الصالح....
ليست هناك تعليقات:
إرسال تعليق