أسعدتم صباحا" بكل خير وسلام وهناء وفرج إن شاء الله
..............عتابا.................
صباح الورد من قلبي (وروحي)
تعالي شوي ياحلوي ( وروحي)
حبال الود موصولي ( بروحي)
لإبقى جنبك وإنسى العذاب
.....................
صبرت كثير إستنى ع ( بابك)
سحرني صديرك بداخل (عبابك)
زوارق شوق عم تمخر (عبابك)
تاتوصل شطك ورمل الحباب
.....................
ورود الحب مع روحك (حميتو)
وإنت مسؤول عن عزو وحميتو)
وإذا صهرك عم يبهدل (حمايتو )
تعالي واسكني بقلبي اللي طاب
......................
ماحلك تهجري قلبي ( ماحلك)
غياب سنين ماتزعزع ( محلك)
إله الكون من عندو (محى لك)
هموم الهجر نساكي العذاب
......................
ياروحي من قبل عيني( بودك)
أنا سهران بتغزل ( بودك)
إذا قلبك على قلبي ( بوداك )
تعالى وارقدي بقلبي اللي ذاب
......................
عيونك سر من الله( وجدها)
آاااهاتك مرمر قليبي ( وجدها)
زمان العز أبوها ( وجدها)
يناجوا بعضهم من دون عتاب
..........................
د. فهد كرباج أم الزيتون السويداء سوريا
في..27...2.. 2021
ولكم الشكر والإحترام والتقدير
ليست هناك تعليقات:
إرسال تعليق