/ خدني حبيبي / محكي
قالت بإدلب هون حاصرنا الخطر
وعم تنزف عيون الأرض زرنيخ
خدني حبيبي وروح برّات النظر
ولو كان مشوارك على المريخ
صرنا بوقت محزون بيبكّي الحجر
وعم يهتري الحلم الهني ويشيخ
معروف إنو جيشنا السوري انتصر
بس الشمال محاصرو التفخيخ
وعنّا أمل من جيشنا بالمختصر
يمحي البقايا ويخلص التشليخ
بكل الدني معروف بتشتّي مطر
إلّا بإدلب هون بتشتي السما
رصاص وقذائف موت وصواريخ .
- عيسى فضة -
ليست هناك تعليقات:
إرسال تعليق