المشربيه
عارفين أيه هي المشربيه !!؟
دي شئ جميل م الزمن اللي فات
نفسي اقعد القعدة ديه
وارجع بيها للذكريات
مع الحبايب جنب المشربيه
نفتكر أيام العمر اللي فات
وصوتنا يعلى بضحكة صافية
د انا نفسي أفرح ولو ساعات
واشرب الشاي وقت المغربيه
دي أحلام بسيطه وأمنيات
قمت أبص من وراها🤔
شفت ناس رايحة جايه
وشباب بيعاكس ف البنات
وكلاكس عالي من عربيه
البيه بيدحرج السلامات
وزماره تخرم الودن عاليه
من واد بياع غزل البنات
جالي القهوجي شايل صنيه
فيها شاي منعنع وخمس كوبايات
قلتله…..
رجع الشاي وهاتلي قهوه
د أنا ف دماغي صاجات
وتوبه أحلم اقعد في المشربيه
خلينا في حاضرنا وبلاش
نرجع للعمر اللي فات
د المكان نفس المكان
بس الزمان ده مش للذكريات
** د/هشام فرغلي **
ليست هناك تعليقات:
إرسال تعليق