التلج ضبضب
شناتيه
ذيَّل رساله
لضيعتي تلاقيه
الموعد....
بكانون
أوعي ترى تنسيه
شلحت الشمس شالها
وتيابها
الصوف
لبست زرقة التكوين
بلا كفوف
الأخضر....
مطَّول الفستان
مزينو من الورد
بألوف
وحدي أنا والصمت
مع نسمات
متل شي ضيف واصل
وملهوف
ناطرو من شهور وحامل
بقلبي الخوف
فرشنا بضهر الجبل ريحة الزعتر
البري والغطى
ريحان
مع خمرة الشوح وخضرة
البلان
عطرك يازوفا شو بينعش
النعسان
ع نغمة قُبَّره ورقة
الألحان
راعي صديق المرج
والخرفان
غفوة فكر.....
اسرقتا من قهر
الزمان
صوره معلقا بالقلب
قصة عاشق
وولهان
ابراهيم سلمان رستم
ليست هناك تعليقات:
إرسال تعليق