الشاعر حج هلال
........... (١)
فاكرين زمان الطيبين
والأمان واحسن سنين
والحموم في طشط عوم
فرحنين و مبسوطين
بالحموم وبالهدوم
والدولاب كان مسمارين
والمراية في حيطة طين
أمهات كانت وفية
بتربي و متربية
والطبيخ سهل ومريح
حله ومعها سلطنية
وكام طبق في المطبقية
والمعالق والوابور
وسكينة ومافيش ساطور
ومخرطة للمولوخية
وبستلية مليانة. مية
أمهات كانت حكيمة
عندها الفطرة السليمة
لكل ضيف واجب نضيف
والبيوت. كانت كريمة
والرجال كانت رجال
في رباية العيال
والكلام فيه احترام
للبنات أدب و جمال
كان زمان الطيبين
والأمان مالي المكان
فيه إيمان وحب ودين
نحكيه و لسه فاكرين
........... زمان
الشاعر حج هلال
ليست هناك تعليقات:
إرسال تعليق