الشاعر حج هلال
................. (٢)
كان زمان أيام جميلة
كنا لمه وكنا عيلة
والجميع في حب وخير
والكبير يدي الصغير
أمهات كانت أصيلة
ورجالة كانت تقيلة
يشكروا النعمة الكثيرة
ويرضوا بالنعمة القليلة
ست خفيفة ودار نضيفة
تكنس وتفرش. حصيرة
واللمبة جاز و فتيلة
شعلة سهاري ومنيرة
والقعدة كانت مثيرة
لما كان الكل عيلة
والرغيف زي الفطيرة
والحياة كانت جميلة
مية نيلي كتير وفيرة
والطرمبة ام إيد طويلة
وللحموم ليفة وصابون
مية سخنة على الكنون
والبنات تعمل ضفيرة
والطرحة فوق الجديلة
والحريم بهدوم طويله
محلى لبس. الجلابية
والعباية و الطقية
والشملة ويا الكوفية
كام جنيه كات المهية
واللقمة طعمة و هنية
بالحلال كانت شهية
فرن نشوي فيه بطاطة
والتحالي. مهلبية
عيشة كانت بالبساطة
ذكريات فاكرينها لسة
وكل ذكرى وليها قصة
ذكريات أيام زمان
وحكايات زي الخيال
لما. كان الكل عيلة
لمة حلوة وناس رجال
والكبير حاضن الصغير
والحريم حشمة ومثال
كان في حب وكان في خير
والحياة كانت. جميلة
بالرضى مش كتر مال
.........................
زمان
الشاعر حج هلال
ليست هناك تعليقات:
إرسال تعليق