بقلمي حج هلال
.......................
كل حاجة وسعرها زاد
وبني آدمين تحت الأنقاض
لو سلعة و معروضة للبيع
مش نعرف نعملها مزاد
والمعروض راكن أسابيع
والأصناف على طول تزداد
بنقول في الإعلان ونزيع
ومن كترتها رخص تراب
في المخزن اكوام في الباب
منه طويل ومنه قصير
واسود وابيض في طوابير
والمعروض مافهوش كداب
صغير وكبير إخلاص وضمير
صنف خفيف يجري وسريع
وفي الأعمال والشغل مطيع
وصنف لطيف طيب ووديع
باله طويل في الصبر فظيع
والأصناف في منها كتير
أشكال وإنتاجها وفير
ومكافآت حسب التوزيع
ولا زيادات في التوصيل
لا في كتير ولا في. قليل
والبني آدم أرخصه سلعه
يتعامل في الدنيا الواسعه
معروض منه كتير. للبيع
وضمان عام والرد بسرعه
مهما تزيد كل الأسعار
وكل الدنيا ولعة ونار
إلا الإنسان. الغلبان
والفقير. هو. المحتار
في الدنيادي وملهوش سعر
محدوف تحت وبعد القعر
ليه مهضوم حقه ومعدوم
ولا له. شبكة ولا له مهر
حتى الخرده عاد لها سعر
والبني آدم ملهوش سعر
حتى لو معروض للبيع
.................
رخص التراب
بقلمي
الشاعر حج هلال
ليست هناك تعليقات:
إرسال تعليق