الشاعر حج هلال
،،، ،،، ،،، ،،، ،،، ،،،
قيد يانور الحق قيد
واليقين بالله أكيد
صوت أذان الفجر بان
وفيه نهار طالع جديد
قيد يااا نور قدام الدار
يبقى ليل يصبح نهار
وكل ليله حطوا زينه
والعمار يرجع يا دار
قيد يااا نور حولين الشارع
و الكنيسه جنب جامع
وحط إيدك ويااا أخوك
والحياة مع بعض واقع
قيد يااا نور في كل حته
وحطوا زينه في كل سكه
في القرى وفي المدينه
وانشروا فيها المحبه
قيد يااا نور جوا الميدان
بالسلامه وبالأمان
والحريه. والسلميه
والجرس ويا الأذان
قيد يااا نور الحب قيد
ومع أنصار الحق زيد
مش كلام دالحق. قام
واللي فات لازم نعيد
أوعوا نور الحق يطفي
وعللي صوت الحق عللي
دالسكوت والصمت موت
نور الحق قايد تمللي
.......قيد يانور صلاة نبينا
الشفيع والرحمه. لينا
......... في التشهد والأذان
والإقامه. نور. و زينه
قيد يا نور الحق قيد
واليقين بالله أكيد
صوت أذان الحق قرب
فيه نهار طالع جديد
،،، ،،، ،،، ،،، ،،، ،،، ،،،
قيد يااا. نور
الشاعر حج هلال
ليست هناك تعليقات:
إرسال تعليق