.. براءة حلم..
سبحان الله
اللي خلق هالوجه الندي
شوفوا حلمها قديش طري
متل الأم غامرتو بديّاتها.
غمّضتْ عيونها فرح
الرضا عَ خدها سرح
وياالله شو حكت بسماتها.
بيقولوا السمكةْ رزق
وعندها بان الفرق.
كبْرتْ..
صغِر الحلم..
يمكن غرق..
وجفّتْ بحور خيالاتها.
يارب
احميها من الظلم
من سكرات العتم
خلي يضوّي النجم
عَ سنين حياتها.
يا عالم..
الطفولة مالها ذنب
يجرح قدمها الدرب
يحرمها حروف الكتب
يسفك طهر دمعاتها.
.. محمد عزو حرفوش..
ليست هناك تعليقات:
إرسال تعليق