راح نتكلم نحكي حكاية
واحد غش
كال في حقوقه وحقوق غيره
وعمره ماكش
فاكر إن الكون ده نصيبه
وإن العدل راح هيسيبه
ماهينفعش
عاش ع السرقة وطولت إيده
حتى ضميره ما بيوجعش
كإن شيطانه مغيب عقله
مابيفهمش
إن المنصب يوم هيسيبه
ما هينفعش
ولما تقوله راعي ضميرك
مابيسمعش
زي خروف الليه ف ديله
عمال ياكل مابيشبعش
ينطح يضرب كده في زميله
مابيرتاحش
كل زمايله مش فاهمينه
يعمل عملته مابيرجعش
يحط السم ف وسط كلامه
ويبان إنه مابيجرحش
وهوبيعمل بقى مابداله
عمال يرفص زي الجحش
فاكر إن الكوسة هطول
بكره هتدخل. جوه النعش
ولا تتنكر ولا. تتحول
وفر عقلك وما تسرحش
وكل اللي انت اخدته
ياشاطر ما يفرحش
سرقة ونصب و فهلوة
فارغة ماليتبه الكرش
هتدفعه بدل المره تلاته
وجوه النار على طول هتخش
بقلم الشاعر فهمى محمود حجازي
ليست هناك تعليقات:
إرسال تعليق