مشتاق
من ديواني سر الحبق
،،،،،،،،،،،،،،،،،،،،،،،،،،،،،،،،،،،
من جروح الغيم بيطل القمر
ولهان بيبيّن من الطاقه
لعيون بتزورو بتتكحل بنوره
وقديشها العيون سرّاقا
وانتي احسبيني غيوم
طلّي من جروحي
ضوِّي قصر روحي
ضاع الصبر مني
وبعدك بْتسْتنِّي شو ناطره؟
شو ناطره قومي اسبقي الايام
ع صهوة الأحلام
بيكفا تضلي مْحيَّره
مشتاق كلمه زْغَيَّره
خلي الدني تحلا وتْقِلْنا اهلا
ومشتاق اتلاقى بمشتاقا
،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق