/ أنتي السبب / شعر محكي
يا معتّقا نبيد الحلى
بخابة أدب
حبي إلك بيضل أغلى
من الدهب
مشتاق كاس الشوق
عاخمر الحنين
قد القلب ما اشتاق
نتلاقى بحلب
وجبلك معي من الشام
باقة ياسمين
من ريحة التاريخ
عَاوراقا انكتب
من هون
اول ما ابتدا التكوين
يفتح طريق النور
للشام انتسب
جايي تَ إمحي حروف
هالماضي الحزين
واكتب عَ باب القلب
مرفوع العتب
بكرا انطريني والبسي
تاج اليقين
رجعت ليالي الأنس
وغناني الطرب
رح نلتقي
ونعيد أحلى الذكريات
أنتي السبب
تا ضل عشقان الحياة
ولولا هواكي
كان ما عندي سبب . عيسى فضة
ليست هناك تعليقات:
إرسال تعليق