مجاميع النجوم.... للمبدع عيسى فضة

/  مجاميع النجوم  / شعر محكي
ألّله جمعنا بجامعة مش جامعة
               إلّا مجاميع  النجوم  اللامعة
غسانها  عَ دراجها  طالع  قمر
           وهيي معو  برج الأماني  طالعة
بتعزف عهد عساف عا أجمل وتر
           بحروفها المتل المنارة الساطعة
ونجلاءها مرصد فكر كلّا نظر
           برصد المعاني  والقوافي بارعة
وساميا  الكلماتها  متل  الدرر
            كل الدني صارت بإسما سامعة
وصابيع وضحى من حرير المعتبر
            عناقيدها  بكرم  الثقافة  يانعة  
وأحلى رنا أشعارها غناني المطر 
         مادلين ورواد  ومريم  اللي زراعة
بديارها أزهار أحلى من الصور
            وكروبها متل  الورود  الناصعة
هالجامعة اللي خانها وفيها غَدَر
        عندو مشاعر ساقطة ومش نافعة
متل الكأنو بخنجر حروفو انتحر
           نار  الحقد  جوّات  حالو  والعة
يعني  رحاب الجامعة  بالمختصر
          فيها سوا ربينا سوا بحب الوئام
     وموسوعة  الإبداع كلّو واسعة .عيسى فضة