بِنت جَدعة مِش هَفِيه
لما أكون واضحة وصريحه
في حياتي ما باخبي
و أي شئ بيبان عليا
نظرة اشمئزاز باشوفها
في عيون .. بتبص ليا
بنت جدعة وقت شدة
إوعَى تِتقَل يُوم عليا
أو عَشان حُبي واضح
راح تقابله بالآسيه
نظرتك غير أي نَظره
مِ اللي بِتشُوفهم عِنيه
لما أقولك و بصراحة
إني محتاجة لقُربك
أبقَى جَنبك
تِبقَى جَنبي
مِش كلام وَ لا ملاغيه
و لا ضِحكة يوم يِعَدي
قد إيه خَلتني أحبك
إوعَي تِبعد أو تِلاوع
و لا أشوف مِنك آسيه
أو تصدق يوم عليه
أي كلمة مِ العَوازِل
إنتَ عَندي نور عينيه
لو تبيع أنا قَلبي شَاري
أو تحاول غدر ليه
و لا عَقلك يوم يخُونك
إني بِنت مِ الهَفية
هانسَى يُومها إني أُنثى
هاخنق الإحساس ف قلبي
أصل عُمري ماكون هَفيه
إجري دور ع الهفية
بقلم-أشرف رسلان
ليست هناك تعليقات:
إرسال تعليق