جربت الفقر.... للمبدع أبو حمزة رشوان

(((جربت الفقر)))

جربت  تعيش  عمرك  مش  ليك...

وتخاف من خبط الباب لدين يناديك..

جربت تموت في اليوم مائة مرة...

ولاتلقاش  حد  يدور  ولا يسأل فيك...

وتكون منبوز

وبحلم عجوز

وتشوف بعينك

لوى البوز

جربت الفقر وكسر النفس....

وتشوف الندل بيرفس رفس..

واد مفعوص

وكلاب وجموس

وامعاهم افلوس

والناس بتبوس

جربت الفقر والحرب امعاه...

وشفت جنود الفقر اذاى تبعاه...

نهش عظامك

كترو خصامك

كرهوك ناسك

اهلك وعمامك.

جربت الفقر والعيشة وحيد..

وشفت اذاى بتهون على الناس 

وتبقى بعيد..

بكيت بدموع

وقالو جربوع

وسرقو احلامك

وخرس كلامك

ونسيو وجودك

والزمت احدودك

وخدوك بالصوت

وسموك هلفوت..

جربت الفقر وتكون منحوس..

وشفت عزومة البلد ترتيبها اذاى

بيكون بالروس..

دقت على باب وكام ترباس

مات بداخلك كام إحساس

وكام مرة طلبت الموت ومتلقهوش.

وسالت اوشوش والكل فشوش.

يعطوك الوعد ويروحو ميجوش.

ومنهم  ناس  كتير  وجيوش.

وناس فى وجهها تشوف الطيبة

وهما وحوش..

عاوزينك فريسة ببضع قروش.

جربت الفقر والعيش الحاف

والبرد القارص مش لقى الحاف..

وتلقى قرايب  بسم عقارب..

اعرفت اذاى الفقر بيحارب..

قذيفة واحدة تهد أجبال.

وحظك لو فيه كوم عيال.

يسن اسنانة كائنة بيضحك.

وهو بيخنق فيك بحبال..

جربت الفقر

((،جربت الفقر بقلم أبو حمزةرشوان))