الحلم الجميل
.............
جانا الفتى بالليل يحكي قصتو.
قاعد يغني مع الكاس وخمرتو.
حتى سكون الليل عم يعمل صخب.
والدني كلها أصبحت بأمرتو.
متل البدر صورة جميلة لفتو.
وصارت عيونا بكل نظرة ضمتو.
كيف عرفت وين مركب هالفتى.
وحدا الجميلة تحكمت بدفتو.
قعدت قبالو تدندن بكلماتها
ترندح قصيدة معتقة كاساتها.
كل حرف فيها صار ميهز القلب.
كالريح هزت بالشتي شجراتها
جلسة جميلة بين شب وصنوتو .
خد القمر بطلتا مع طلتو.
والمي تمشي بين زهرة وأختها.
عالسكت تحكي قصتا مع قصتو.
تطبطب بإيداللجميلة تقلها.
إيدك عا إيدو وكرستك عا كرستو.
وخلي لهيب الشوق تطفيه القبل.
والزهر قاعد كل زهر وحرمتو.
عاشت ليالي الحب تحكي حلمها.
وتحكي قصص عن فن لفة ضمتو.
وجمع نسيم الليل من كل الورد.
خلطة جميلة وصبها عا مخدتو.
قام الفتى ميلملم خيوط الهوى.
ريحة لطيفة شمها عا فرشتو.
أدرك بإنه حلم عاشو من بعيد
بقلبو لعب. والحلم نفذ خطتو.
قام الفتى يمشي كصخرة مكسرة.
وحدو قعد عا كرستو مع قهوتو.
طل الصباح وقال يسعد هالصباح.
حلمك جميل والجمال بقفلتو.
خليه سرك بنصحك تقفل عليه.
والسر حلوة نكهتو بيقفلتو.
...............................
د.أمين أحمد حميدوش.
سورية.
................
مشاركتي في الشعر المحكي
ليست هناك تعليقات:
إرسال تعليق