( عيوني فيكي مغرومة/ي ) : موشح :
فوتي على قلبي ونامي بتخت الإحساس
تغطي بشرشف أحلامي يا أغلى الناس
. . . . . . .
فوتي مش رح تنلامي قلبي مشتاق
رح مرّقلك غرامي بجعبة أشواق
ورح طوّبلك أيامي بطابو العشاق
بالحب الغالي السامي العمر بينقاس
. . . . . . . .
عيوني فيكي مغرومي يا نور العين
كانت منك محرومي صرلا شهرين
صلّي للحب وصومي ياصلاة الزين
ومن شهد شفافك قومي صبّيلي كاس
. . . . . . . .
حملتك قوني منحوتي عا صدر الروح
بلون الحب الياقوتي الليلة مسموح
على نص القلب تفوتي بابو مفتوح
صحّي من الصمت سكوتي ناموا الحرّاس .
د. عيسى فضة
ليست هناك تعليقات:
إرسال تعليق