( سألتها ))… للشاعر د. علي مسلم عجمي
--------
سألتها شو الإسم ردت عالهدا
سمرا و لون المِسِك من لوني بدا
سرسبتني ما عرفِت شو مقصدا
سر لازم إكشفه اليوم و غـدا
سَجَّلِـت أفكاري بمعاجم إقتدى
سلاطين عِلِم الفلسفة و المبتدا
سبَّحِت ربي بالطقوس ال بِعْبِدا
ساعة التحليل رددلي الصدى
سمِعتك يا سمرا بلونك الشادي شدا
سيفين فوق عيونك يردوا العِدا
سحَبتي الإسم من شمس صحرا مجرّدا
سنينك لها و لونك و إسمك فِـدا
سنبلة قمح الفايحة بعِطِر الندى
سنونو الربيع و ما حدا بيطارِدا
سابقة التاريخ الله الأوجـدا
سقفك سما و بنجومها الهادي هدى
سلاحك كرامة ابد ما راحت سُدى
سيفك ترابـك و الشهيد معمِّـدا
ساقية فيكي جداول مـادِدا
سِت الحِسِن إسمك بخيرو زايدا
سميتِك أرض يا ريحة تراب الوطن
سبحان الله بكل سجدة منسجِدا
الشاعر د. علي مسلم عجمي
لبنان
ليست هناك تعليقات:
إرسال تعليق