/ قالت حبيبي /
شو هالطقس متل الحريقه صار
وبيبخ من وهج الحراره نار
والكهربا ما ضل فيها روح
والجو نارو بتشبه الأسعار
قالت حبيبي وين بدنا نروح
الوطن مربوط بجنزير الحصار
باب الفرج مقفول مش مفتوح
وآخر وقت طير الأماني طار
تحت الدعس شوف الورد مشلوح
ومن كل مطرح هاجم الإعصار
صوت الحقيقه من الكذب مبحوح
بعصر النفاق بيكتروا الكفّار
ما ضل فينا غير نزف جروح
وبعض البقايا من حلم منهار
حاجي بقى تقلّي انطري بدها صبر
احترق الصبر جوّا جحيم الانتظار .
- عيسى فضة -
ليست هناك تعليقات:
إرسال تعليق