العيد والمواعيد/ أضحى مبارك
فتحت الشباك بيوم العيد
ورداتك خبت ْ مواعيد
و قالت كلماتك للقدس
و شو دخل الشوق و التنهيد؟..
أنا جاوبتها من النبضات
و من حكاية لكل شهيد
و قلتها احنا الأحرار..
جمرة بإيد و ضحكة بإيد
و شيء عادي نكتب أشعار
مرة حب و مرة وقيد
و شي عادي جرح الأنهار
بمياتو بيسقي الوريد
زتت ع صدري أزهار
نشمية و حلوة أكيد
ما اقنعت إنو الأوتار..
بتعزف لو من نزف بعيد
و يا قرنفل ..يا أوركيد
و يا بنفسج يا منشود
بسماتك عطر الأزهار
و لومك صاير بلا حدود !
أضحى مبارك للأشواق
و أضحى بهني الشريد
و اللي ضحى لعشق الدار
طيرو من جبينو تغريد
و نشمية و حلوة و بتغار
لو بغازل لوح القرميد !
فتحت الشباك يوم العيد
بستنى من البوسة ردود
لو قلبي صاير مطار
عشقك ..طيرانو وجود
سليمان نزال
ليست هناك تعليقات:
إرسال تعليق