/ وعد موعود / محكي
لمّا عيون الشوق عا دعسة قمر
بتفيق ويصير الحلم موصوف
يعني ع بال الذاكره خيالك خطر
بنسى النعس خلف السهر موقوف
وبتصير عين الليل مرصد للنظر
والنوم طاير والقلب ملهوف
بصب انتظاري بالصبر حتى اختمر
وبشرب لهفتي بكاس مش مألوف
غيمة شجن بتمر بتشتي سهر
من حيرتي بيبقى الشعر مكسوف
غازلت ألله بكل لغات البشر
وطلبت منّو الطلب ع المكشوف
يعمل معي معروف ويحاكي القدر
يترجم وعد موعود ويتم اللقاء
ياريت لو يعمل معي هالمعروف . عيسى فضة
ليست هناك تعليقات:
إرسال تعليق