. قطعة سما
مثل النجمة/ي المضوية/ي بالسما فوق
لمحتها جلست حدي بكل لطف و زوق
طلبت الوردات الجورية/ي تاعملا طوق
تركتني حاكي حالي
مثل السكران
سكران سقتني طيب الخمر من شفافا
مهضومة/ي ودلوعة و شو حلوي أوصافا
عملت بقلبي علة/ي عاجز منها إتعافا
هي المرض والدوا
وأنا المرضان
مرضان حمتي أربعين و الجسم سخناي
دواي ترياق من تمها يريحني يحقق مناي
اتهدى وبطل ع دروب الصبايا رايح جاي
مليت وتعبت كعوبي
بملاحقة النسوان
.. غانم ع الخوري ..
٢٠١٧/١١/٣
ليست هناك تعليقات:
إرسال تعليق