هلال البنا
من غير عنوان
...................
كان من تلت اربع تيام
ماشي وعايش بإحترام
يلقي سلام ويرد. سلام
ولسه شباب باصص قدام
مش يعرف غير شغله وبيته
وكل حياته ماشيه تمام
بيزور أهله وأهل مراته
ويقضي للبيت طلباته
أخلاق عاليه وعنده كرامه
وكل الناس بتحب كلامه
لبسه نضيف ودمه خفيف
وعريس لسه مافتشي العام
والأطفال أغلى. الأحلام
ويقول شدي الحيل يامدام
وليلاتي. بيشوفوا أحلام
وبنت فلانه وابن فلان
والحياه ماشيه في سلام
فجأه. طب. عليه. غربان
وبومه ويا أبو القردان
وخدوه من غير أي كلام
ورموه عالأرض. الغلبان
زي. المجرم. والحيوان
والبني آدم ده إنسان
عنده كرامه وروح وكيان
وفضل مرمي تلات تيام
وأهله يروحوا يلاقوا نكران
ولا تفهيم. ولا. إفهام
وهو جعان عطشان تعبان
ولا. مرتاح. ولا. بينام
ولو حد راح يطلبله محامي
أي محامي يكون. هربان
ويقول لو قاتل وحرامي
هاترافع. وأكون كسبان
لكن ده تهمته. إرهابي
إرجع عني ياعم فلان
وفي المحكمه يمضي إجباري
على. محضر تهمته شيطان
بعد. ماكان. عايش. إنسان
رايح جاي في سلام وأمان
وكل كلامه كان في الكوره
ولابو صلاح بيعلق صوره
ويقول جون مش سايعه الكون
ليه إنسان عايش فرحان
يتحول. مذلول. منهان
هاتلي. دليل ليه يبقى ذليل
وانا. أحلفلك. بالرحمن
عمري. ماشوفته ٱذي إنسان
ولا. أذنب ولا كان. غلطان
يبقى في تلت اربع تيام
متبهدل مذلول منهان
....................
من غير عنوان
ليست هناك تعليقات:
إرسال تعليق