محكية غزل... للمبدعة إنصاف قرقناوي

محكية غزل

قلي ضلي معي..

بخاف إذا رحتي ما عاد ترجعي..

معقول شي نهار تتركيني؟؟

ما بتخافي ع غيابك قلبي توجعي؟

ضلي معي لأنك حياتي..

وجودك ب/قربي محلي أوقاتي..

ما بتخيل العمر يا عمري بلاكي..

انتي الروح ال/ساكني جواتي..

ضلي معي يا ضحكة عمر..

و نسمة عطر..

يا دمعة فرح..

و شمس و قمر..

انتي الدني..

رجعتي لقلبي حب الولدني..

نسيت الزعل..

نسيت القهر..

فتحت شبابيك السعادي..

و رقصت مع زخات المطر..

ضلي معي يا اجمل قدر..

والله من وقت اللي شفتك..

عرفت قيمة حاسة البصر..

إنصاف غسان قرقناوي