جُوَّاتا طفله زغيري ( تجربتي الأولى بالمحكي )
============
جُوَّاتا طفله زغيري
الشاغلتلي تفكيري
نظرات عيونا بتشل
يا دلي ويا تعتيري
*****************
لما عليي بتتدلع
قلبي فيها بيتولع
وبتمنى يفضى هالكون
وبس عليها اتسمع
*****************
ولما بتزعل وبتبكي
متل الأطفال بتحكي
ولما بتعصب بتصير
متل الأول عالدبكي
*****************
وأنا بزعل منها وبتدلل
بس والله مابتحمل
وبستنى لتراضيني
وترجعلي متل الأول
****************
بتسألني إذا حبيتا
معقوله؟.. يخربيتا
هي بتعرف فيها بجن
وروحي وعمري سميتا
*****************
غسان منصور
ليست هناك تعليقات:
إرسال تعليق