( ريحة عسل ) شعر محكي
أول ما فاتت هالسنة يمّا
عجقة حكي وعشاق
وغناني الجرد
حَمّا الغزل محبوبها ولمّا
شلحَتْ قميص البرد
وبيت القصيد بقلبها تحمّا
ع شفافها هز الشهد
ريحة عسل شمّا
من غيرتو جن الورد
وتشردق بكمّا
ولمّا سوا
رقصوا سوا ليلة وعد
بلهفة عشق ضمّا
مدري ع خدّا باسها
مدري على تمّا
يمكن في بوسة مولدني
مرقت ع بال الشيطني
بجنون ما حسّت على دمّا
وتزحلقت وتدحرجت
فوق الصدر
وصلت ع مطرح صعب يتسمّى
مخجول وطّى يلمها
حسّت على دعساتها إمّا
تلبك بحالو واستحى يلمّا . د. عيسى فضة
ليست هناك تعليقات:
إرسال تعليق