اسعدتم مساء" عسى أن يكون خير على الجميع
.......الدلعونا لمحافظاتنا.....
(السويدا) جبلنا والجبل عالي أهلو وترابو علينا غالي
تفاحو زاهي وعنب الدوالي
وياللي بتحبو تعو زورونا
.......................
(حوران) الحلوي الجاره الكريمي
نحنا منحبا وهيي عليمي
انشالله بتضللا دوما" سليمي
وتنادي يلا تعو هنونا
........................
جيتك( ياقنيطره) ياحب اللولو
والعنب حصرم ماحد بيطولو
البيقرب صوبك والله ياويلو
منحرق سلافون البيعادونا
.......................
(الشام) الأبيي والحضن الدافي
واللي بيزورك شاف العوافي
من مية نبعك والنبع صافي
اشرب وتهنى وماراح تنسونا
.....................
(حمص) الثقافي والكل يزورك
كثرو أحبابك كثر جمهورك
انتي مضويي علينا بنورك
تعو زوروها ياللي تحبونا
.....................
(حماه) الناعوره والعاصي فيكي
تسلم ربوعك مع أهاليكي
نهرك الصافي دوم بيسقيكي
مية كرامي وانتي الحنونا
...................
(طرطوس) الحلوي والبحر الوافي
جمالك يغوي وفيكي اللطافي
ورداتك حلوي عليكي ضافي
وياللي شرفتوا غنوا دلعونا
.........................
(عاللاذقيه) نحنا سرينا
نسبح بمواجا نحنا حبينا
شطآنك صافي ونخنا تهنينا
بالرحلي الحلوي وللي شافونا
.......... . .........
(حلب) ياروحي مااحلى قدوداتك
الطرب فيكي مزين حياتك
مامنشبع منك بكل اوقاتك
انتي اللي وقفتي ضد الغزونا
.......................
(إدلب) الغالي وياقرة عيني
بطالك فوارس مانتي حزيني
راحوا الدواعش بعد السنيني
بفضل صمودك عاللي عادونا
.........................
(الرقه) الحبيبي هدوا جدرانك
كانت مصيبي ونحنا حزينالك
شعبك كريم يغير أحوالك
الوطن معكي وحبك بعيونا
.......................
(الدير) الصامد شامخ برجالك نحناضحينا الغالي كرمالك
بكرا تحريرك بفضل بطالك
والجيش السوري واللي يحبونا
......................
(القامشلي) زهره بروضه غنيي
متفتح وردا الشحره الجوريي
فلوا الدواعش روسن محنيي
وانتي صمدتي ضد الخانونا
..........................
(سوريا ) الغالي نحنا فداكي
العلم غالي عالي بعلاكي
نحمي مياتك نحمي سماكي
وحدودك نارو عاللي يعادونا
.................................
فهد كرباج أم الزيتون السويداء
سوريا...في..6...1 2021
ولكم الود والتقدير والإحترام والمحبه........الكتابه حسب اللفظ وليست أخطاء إملائيه
ليست هناك تعليقات:
إرسال تعليق