مهما قابلت من صعاب
وإتخلى عنى الصحاب
وزادت جوايا غربتي
مش حا أتخلى عن
منهجى
( منهجي مبدأ )
محكوم بإنسانيتى
ومهما كانت النار
حافضل ماسك عليه
بقبضتى
وأفضل أحلم بالأمانى
حتى لو فى لحظة
إحتضارى
حتمسك بالأمل
إن يجى يوم ويتعدل
حال الدنيا والبشر
القبح يبقى جمال
يزيد متعة النظر
والخير يقضى
على الشر إل انتشر
والدين يبقى ضمير
والضمير يبقى قانون
والقانون يبقى سلوك
بلا شرطي أو غفر
والشارع يبقى جناين
شجر عالى بيتمايل
والمعاني في الأغانى
رسايل حب بين البشر
والقيم سايده سانده
حيطان المجتمع
من التهاوى
ويصحا الضمير النايم
والأخوة فى الانسانيه
تسود
والتفرقه تنتهي
من الوجود
والحقوق تعود
مش لازم ضهر مسنود
د. عصام أبوالدهب
ليست هناك تعليقات:
إرسال تعليق